United Nations Welcome to the United Nations. It's your world.

News

УЛААНБААТАРЫН ТУНХАГЛАЛ “АЗИ-ЕВРОПЫН УУЛЗАЛТ (АСЕМ) ГУРАВ ДАХЬ АРВАН ЖИЛДЭЭ” МОНГОЛ УЛС, УЛААНБААТАР ХОТ, 2016 ОНЫ 7 ДУГААР САРЫН 15-16

Saturday, 16 July 2016

АСЕМ-ын түнш орнуудын төр, засгийн тэргүүн, Европын Зөвлөлийн Ерөнхийлөгч, Европын Комиссын Ерөнхийлөгч, АСЕАН-ы Ерөнхий нарийн бичгийн дарга бид АСЕМ-ын 20 жилийн ойг тэмдэглэж, АСЕМ-аас гурав дахь арван жилдээ баримтлах чиг шугамыг тодорхойлох зорилгоор 2016 оны долдугаар сарын 15-16-ны өдрүүдэд Улаанбаатар хотноо АСЕМ-ын дээд түвшний 11 дүгээр уулзалтыг “АСЕМ-ын 20 жил: Уялдаа холбоотой байж ирээдүйн төлөө түншлэх нь” сэдвийн хүрээнд зохион явууллаа.

"ТОГТВОРТОЙ ХӨГЖИЛ БА ХАРИУЦЛАГЫН ТОГТОЛЦОО"АРГА ХЭМЖЭЭ ЗОХИОН БАЙГУУЛАВ

Saturday, 16 July 2016

2016 оны 7 дугаар сарын 15-ны өдөр Нью-Йорк хотноо Монгол Улсаас НҮБ-ын дэргэд суугаа Байнгын төлөөлөгчийн газраас  Ардчилал, сонгуульд дэмжлэг үзүүлэх олон улсын хүрээлэн (ACДҮОУХ), Олон улсын хуулийн хөгжлийн байгууллага (ОУХХБ)-тай хамтран "Тогтвортой хөгжлийн зорилтууд ба хариуцлагын тогтолцоо" арга хэмжээг зохион байгууллаа.

 

МОНГОЛ УЛСЫН ЕРӨНХИЙЛӨГЧ ЦАХИАГИЙН ЭЛБЭГДОРЖ АЗИ ЕВРОПЫН ДЭЭД ТҮВШНИЙ 11 ДҮГЭЭР УУЛЗАЛТЫГ НЭЭЖ ХЭЛСЭН ҮГ

Friday, 15 July 2016

Эрхэм хүндэт төр засгийн тэргүүн нар аа,

Хүндэт төлөөлөгчид өө,

Хатагтай ноёд оо,

АЗИ-ЕВРОПЫН ДЭЭД ТҮВШНИЙ 11 ДҮГЭЭР УУЛЗАЛТ ЭХЭЛЛЭЭ

Friday, 15 July 2016

Ази-Европын Дээд түвшний 11 дүгээр уулзалт 7 дугаар сарын 15-ны өглөөний 9.10 цагт Улаанбаатар хотноо “Шангри Ла” зочид буудлын хурлын танхимд албан ёсоор эхэллээ. Уулзалтад оролцох зочдыг угтан авах ажиллагаа 07.00 цагт /Улаанбаатарын цагаар/ Шангри-Ла цогцолборын угтах талбайд албан ёсоор эхэлж, Монгол Улсын Ерөнхийлөгч Ц.Элбэгдорж төлөөлөгчдийн тэргүүн нарыг өөрийн биеэр хүндэтгэл үзүүлэн угтан авлаа.

ЭЛЧИН САЙД С.СҮХБОЛД ХҮНИЙ ЭРХИЙН АСУУДЛААРХ ЕРӨНХИЙ АССАМБЛЕЙН ӨНДӨР ТҮВШНИЙ ХЭЛЭЛЦҮҮЛЭГТ ҮГ ХЭЛЭВ

Thursday, 14 July 2016

Нью-Йорк хотноо 7 дугаар сарын 12-13-ны өдрүүдэд НҮБ-ын Ерөнхий Ассамблейн 70 дугаар чуулганы дарга М.Ликкетофын санаачилгаар  "НҮБ-ын 70 жил: Хүний эрхийн асуудал глобал хөгжлийн төлөвлөгөөний чухал хэсэг болох нь"  сэдэвт өндөр түвшний хэлэлцүүлэг болж өнгөрөв. Уг хэлэлцүүлэг дээр НҮБ-ын гишүүн, ажиглагч  70 гаруй орны төлөөлөгч үг хэллээ.  

МОНГОЛ УЛСЫН ЕРӨНХИЙЛӨГЧ Ц.ЭЛБЭГДОРЖ ВЬЕТНАМ УЛСЫН ЕРӨНХИЙ САЙД НГУЕН СУАН ФУК-ТЭЙ УУЛЗАЛТ ХИЙВ

Wednesday, 13 July 2016

Монгол Улсын Ерөнхийлөгч Ц.Элбэгдорж Вьетнам Улсын Ерөнхий сайд Нгуен Суан Фук-г хүлээн авч уулзав.

Уулзалтын үеэр талууд хоёр орны хамтын ажиллагааг эдийн засгийн агуулгаар баяжуулах, худалдаа, хөрөнгө оруулалтыг нэмэгдүүлэх, батлан хамгаалах, уул уурхай, аялал жуулчлалынсалбарын хамтын ажиллагааг өргөжүүлэх чиглэлээр хамтран ажиллахаар тогтов.

ЯПОН УЛСЫН ЕРӨНХИЙ САЙД Ш.АБЭ МОНГОЛ УЛСАД АЛБАН ЁСНЫ АЙЛЧЛАЛ ХИЙНЭ

Wednesday, 13 July 2016

Монгол Улсын Ерөнхийлөгч Ц.Элбэгдоржийн урилгаар Япон Улсын Ерөнхий сайд Шинзо Абэ 2016 оны 7 дугаар сарын 14-ний өдөр Монгол Улсад албан ёсны айлчлал хийж, АСЕМ-ын Дээд түвшний 11 дэх удаагийн уулзалтад оролцоно.

Япон Улсын Ерөнхий сайд Ш.Абэ-гийн Монгол Улсад хийх гурав дахь удаагийн айлчлал болох бөгөөд 1990 оноос хойшхи Японы Ерөнхий сайдын 6 дахь удаагийн айлчлал болж байгаа юм.

Айлчлалын үеэр Ерөнхийлөгч Ц.Элбэгдорж Ерөнхий сайд Шинзо Абэ-тай албан ёсны хэлэлцээ хийж, Улсын Их Хурлын дарга М.Энхболд, Ерөнхий сайд Ж.Эрдэнэбат нартай уулзахаар төлөвлөж байна.

Л.ПҮРЭВСҮРЭН САЙД БҮГД НАЙРАМДАХ СИНГАПУР УЛСЫН ЕРӨНХИЙ САЙД ЛИ ХСИЕН ЛҮҮН-ИЙГ УГТАН АВЛАА

Wednesday, 13 July 2016

Гадаад хэргийн сайд Л.Пүрэвсүрэн Монгол Улсад албан ёсны айлчлал хийж буй Бүгд Найрамдах Сингапур Улсын Ерөнхий сайд Ли Хсиен Лүүн угтан авлаа. Сингапур Улсын Ерөнхий сайд Монгол Улсад албан ёсны айлчлал хийж, АСЕМ-ын Дээд түвшний 11 дэх удаагийн уулзалтад оролцохоор төлөвлөж байна.

Ерөнхий сайд Ли Хсиен Лүүний манай улсад хийх энэхүү айлчлал нь Сингапур Улсын Засгийн газрын тэргүүний хувьд манай улсад хийж буй анхны айлчлал юм.

АСЕМ-ЫН АХЛАХ АЛБАН ТУШААЛТНУУДЫН УУЛЗАЛТ ЭХЭЛЛЭЭ

Wednesday, 13 July 2016

АСЕМ-ын Ахлах албан тушаалтнуудын уулзалт 7 дугаар сарын 12-14-ний өдрүүдэд Улаанбаатар хотноо болж байна. Уг уулзалтад АСЕМ-ын түнш 51 улс, Европын холбоо, Зүүн Өмнөд Азийн бүс нутгийн хамтын ажиллагааны нийгэмлэг (АСЕАН)-ийн НБДГ-аас гадна Ази-Европын сангийн төлөөллөөс бүрдсэн нийт 220 гаруй төлөөлөгч оролцож байна.