Туркменистан Улсын Аваза хотноо болж буй Далайд гарцгүй хөгжиж буй орнууд (ДГХБО)-ын асуудлаарх Нэгдсэн Үндэстний байгууллага (НҮБ)-ын Гуравдугаар бага хурлын хүрээнд Монгол Улсаас НҮБ-ын дэргэд суугаа Байнгын төлөөлөгчийн газар, ГХЯ-ны дэргэдэх Цөлжилттэй тэмцэх тухай НҮБ-ын Конвенцын Талуудын 17 дугаар бага хурал (COP17)-ын Бэлтгэл ажлын алба хамтран далайд гарцгүй орнуудад зориулсан "Газар, ус, худалдааны гарц шийдэл дэх санхүүжилтийн боломжийг нээх нь" сэдэвт арга хэмжээ зохион байгуулагдав.

Туркменистан Улсын Аваза хотноо 2025 оны 08 дугаар сарын 06-ны өдөр Монгол Улсын Тэргүүн Шадар сайд бөгөөд Эдийн засаг, хөгжлийн сайд Н.Учрал Өмнөд-Өмнөдийн хамтын ажиллагааны асуудлаарх Сайд нарын уулзалтын “Шинжлэх ухаан, технологи, инновацын хөгжлийг хурдасгаснаар ДГХБО-д эдийн засгийн бүтцийн өөрчлөлтийг нэмэгдүүлж, цахимжилтын үсрэнгүй хөгжлийг бий болгох нь” сэдвийн дор болсон панел хэлэлцүүлэгт оролцов. 

НҮБ-ын Эдийн засаг, нийгмийн зөвлөлийн ивээр дор Тогтвортой хөгжлийн асуудлаарх Улс төрийн өндөр түвшний 2025 оны чуулга уулзалт Нью-Йорк хотноо 7 дугаар сарын 14-24-ний өдрүүдэд болж, Монгол Улсын Засгийн газрын төлөөлөгчид оролцож байна.

Монгол Улсаас НҮБ-ын дэргэд суугаа Байнгын төлөөлөгч Н.Анхбаяр 2025 оны 6 дугаар сарын 24-ний өдөр НҮБ-ын Ерөнхий нарийн бичгийн дарга Антонио Гутеррештэй НҮБ-ын Төв байранд уулзав.