АНУ-ын Нью-Йорк хотноо болсон Олон улсын санхүүгийн аюулгүй байдлын сүлжээн дахь системийн асуудлуудыг шийдвэрлэх зорилго бүхий “Хөгжлийн санхүүжилтийн форум”-д Монголбанкны Ерөнхийлөгч Б.Лхагвасүрэн оролцож, “Тогтолцооны асуудлуудыг шийдэх нь” сэдэвт илтгэл тавьж, хэлэлцүүлэг өрнүүллээ.
Сангийн яамны Санхүүгийн бодлогын газрын дарга Л.Сонор НҮБХХ, НҮБ-ын Эдийн засаг, нийгмийн асуудал эрхэлсэн газар, Шведийн Засгийн газраас зохион байгуулсан “Засгийн газрын бондоор дамжуулан тогтвортой хөгжилд хөрөнгө оруулах нь” сэдэвт тусгай арга хэмжээнд панелистаар оролцож, үг хэлэв.
4 дүгээр сарын 23-нд Нью-Йорк хотноо “Монголын банкны форум” зохион байгуулагдаж, Монголбанкны Ерөнхийлөгч Б.Лхагвасүрэн, СЗХ-ны дарга Д.Баярсайхан тэргүүтэй төрийн байгууллагууд болон арилжааны банкнуудын төлөөлөл оролцож, илтгэл тавьж, панел хэлэлцүүлэг өрнүүлсэн.
Тус арга хэмжээ нь Монголын хөрөнгийн зах зээлд оролцогч талуудыг АНУ дахь хөрөнгө оруулагч нар, банк, санхүүгийн байгууллагуудтай холбож, хөрөнгө оруулалтын боломжийг эрэлхийлэн, эдийн засгийн хамтын ажиллагааг тэлэх, Монголын хөрөнгө оруулалтын орчныг сурталчлан таниулахад чиглэгдсэн.
Нью-Йорк хотноо 2024 оны 4 дүгээр сарын 15-19-ний өдрүүдэд болж буй “Тогтвортой хөгжлийн төлөөх долоо хоног” арга хэмжээний хүрээнд тогтвортой тээвэр, дэд бүтэц, аялал жуулчлал, эрчим хүч, өрийн тогтвортой байдал, нийгэм, эдийн засгийн тэгш байдал зэрэг асуудлаар хэлэлцүүлэг өрнөж байна.
НҮБ-ын Ерөнхий Ассамблейн 78 дугаар чуулганы дарга Деннис Фрэнсисийн санаачилгаар “Тогтвортой хөгжлийн төлөөх долоо хоног” арга хэмжээ 2024 оны 4 дүгээр сарын 15-ны өдөр Нью-Йорк хотноо эхэллээ.
ДГХБО-ын Бүлгийн товчооны гишүүд болох Армен, Бурунди, Ботсвана, Лесото, Монгол, Непал, Парагвай болон Руанда Улсын Элчин сайд, Байнгын төлөөлөгч нар НҮБ-ын Нэн буурай хөгжилтэй, далайд гарцгүй хөгжиж буй болон арлын жижиг орнуудын асуудал эрхэлсэн Дээд төлөөлөгч Рабаб Фатимагийн хамт НҮБ-ын Ерөнхий нарийн бичгийн дарга Антонио Гутеррешт бараалхав.
НҮБ-ын Эдийн засаг, нийгмийн зөвлөлийн Эмэгтэйчүүдийн аж байдлын комиссын 68 дугаар чуулган “Ядууралд анхаарлаа хандуулах, институцуудыг бэхжүүлэх, жендэрийн хэтийн төлөвтэй санхүүжүүлэх замаар жендэрийн тэгш байдлыг хангах, бүх эмэгтэйчүүд, охидыг чадавхжуулах ажлыг хурдасгах” тэргүүлэх сэдвийн хүрээнд Нью-Йорк хотноо өрнөж байна.
Эл чуулганд Монгол Улсаас УИХ-ын гишүүн, Хөдөлмөр, нийгмийн хамгааллын сайд Х.Булгантуяа тэргүүтэй төлөөлөгчид оролцож байна.
Монгол Улсаас НҮБ-ын дэргэд суугаа Байнгын төлөөлөгчийн газар 17 дугаар жарны Хөх луу жилийн сар шинийн баярыг Нью-Йоркийн Монголчуудтайгаа шинийн нэгний өдөр өргөн дэлгэр тэмдэглэв.
Нью-Йорк хотод ажиллаж буй ГХЯ-ны Төрийн нарийн бичгийн дарга Н.Анхбаяр Хүний эрхийн түгээмэл тунхаглалын 75 жилийн ойг тохиолдуулан 2023 оны 12 дугаар сарын 15-ны өдөр зохион байгуулсан НҮБ-ын Ерөнхий Ассамблейн хүндэтгэлийн хуралдаанд оролцов. Мөн тэрбээр Нью Йорк дэх НҮБ-ын дараах удирдах хүмүүстэй уулзалт хийв. Үүнд
