Испани Улсын Севилья хотноо 2025 оны 6 дугаар сарын 30-наас 7 дугаар сарын 3-ны өдрүүдэд “Хөгжлийн санхүүжилтийн асуудлаарх олон улсын Дөрөвдүгээр бага хурал” болж байна.

Бага хурлын нээлтийн арга хэмжээнд Испани Улсын Хаан VI Дон Филип,  НҮБ-ын Ерөнхий нарийн бичгийн дарга Антонио Гутерреш, НҮБ-ын Ерөнхий Ассамблейн 79 дүгээр чуулганы дарга Филемон Янг, НҮБ-ын Эдийн засаг, нийгмийн зөвлөлийн дарга Боб Рэй зэрэг дээд түвшний төлөөлөгчид оролцож, үг хэлэв.

Тогтвортой хөгжлийн зорилгууд, улс орнуудын хөгжлийн санхүүжилтийн асуудлыг хэлэлцэж буй бага хуралд нийт гишүүн улс, НҮБ-ын системийн болон олон улсын бусад байгууллага, олон улсын банк, санхүүгийн байгууллага, иргэний нийгэм, залуучууд, судалгаа шинжилгээний байгууллагыг төлөөлж 15,000 гаруй төлөөлөгч оролцож байна. Бага хурлын үеэр сэдэвчилсэн 6 дугуй ширээний хэлэлцүүлэг, 407 дагалдах арга хэмжээ, үзэсгэлэн зохион байгуулагдаж байна.

Бага хурлын эхэнд нийтийн зөвшилцлөөр баталсан “Севильягийн үүрэг амлалт” баримт бичиг нь тогтвортой хөгжлийн санхүүжилтийн эх үүсвэрийг бүрдүүлэх шинэчлэлийн бодлого, арга хэмжээг тодорхойлж, улс орнууд тогтвортой хөгжилд оруулах төсвийн хэмжээгээ нэмэгдүүлэх, хөгжиж буй орнуудын өрийн асуудлыг шийдвэрлэх, хөрөнгө оруулалтыг босгох зардлыг бууруулах, олон улсын санхүүгийн бүтцийн шинэчлэлийг хурдасгах зэрэг зорилтуудыг дэвшүүлсэн. Тухайлбал, тогтвортой хөгжлийн санхүүжилтэд олон улсын хөгжлийн банкуудаас олгох зээлийн хэмжээг 3 дахин өсгөх, дэлхийн өрийн архитектур болон өрийн тогтвортой байдлын асуудлаар Засгийн газар хоорондын яриа хэлэлцээг НҮБ-ын хүрээнд эхлүүлэх, ОУВС, Дэлхийн банкинд хөгжиж буй орнуудын төлөөлөл, оролцоог нэмэгдүүлэх, татварын олон улсын хамтын ажиллагааг бэхжүүлэх, эрх зүйн орчныг бүрдүүлэх, далайд гарцгүй хөгжиж буй орнуудад зориулсан дэд бүтцийн хөрөнгө оруулалтын механизм байгуулах тодорхой арга хэмжээг тусгасан.

Бага хуралд Монгол Улсаас НҮБ-ын дэргэд суугаа Байнгын төлөөлөгч Н.Анхбаяр тэргүүтэй Засгийн газрын төлөөлөгчид оролцож, 7 дугаар сарын 2-ны өдрийн Ерөнхий санал шүүмжлэлд үг хэлэв. Тэрбээр тогтвортой хөгжлийн зорилтыг хэрэгжүүлэхэд дэлхий нийтэд шаардагдаж буй 4 их наяд ам.долларын санхүүжилтийн асуудлыг шийдвэрлэхэд геополитикийн хурцадмал байдал, худалдаа, хөрөнгө оруулалтын тодорхойгүй орчин бэрхшээл хүндрэлийг учруулж буйг дурдан, Севильягийн үүрэг амлалтыг хэрэгжүүлснээр олон улсын банк санхүүгийн байгууллагад хөгжиж буй орнуудын нөлөөлөл нэмэгдэж, хөрөнгө оруулалтын санхүүжилтийг дэд бүтэц, боловсрол, эрүүл мэнд, уур амьсгалын өөрчлөлт зэрэг тэргүүлэх салбаруудад оруулахын чухлыг онцлов.    

Манай төлөөлөгчид Далайд гарцгүй хөгжиж буй орнуудын хөгжлийн ирэх 10-н жилийн санхүүжилт, Олон улсын санхүүгийн архитектур болон санхүүгийн аюулгүйн тогтолцооны шинэчлэл зэрэг арга хэмжээнд оролцож, байр сууриа илэрхийлэв.

The Fourth International Conference on Financing for Development

takes place in Seville 

 The Fourth International Conference on Financing for Development is taking place from 30 June to 3 July in Seville, Spain.

At the opening ceremony, esteemed high-level representatives delivered remarks, including His Majesty Don Felipe VI, King of Spain; H.E. Mr. António Guterres, Secretary-General of the United Nations; H.E. Mr. Philemon Yang, President of the 79th Session of the United Nations General Assembly; and H.E. Mr. Bob Rae, President of the United Nations Economic and Social Council.

More than 15,000 participants, including representatives from all Member States, UN organizations, other international organizations, international banks and financial institutions, civil society, youth, and academia, are attending the conference which focus on the Sustainable Development Goals and financing for development agenda. The six multi-stakeholder roundtable discussions, along with over 407 special events and exhibitions, are being organized on the margins of the conference.

The outcome document of the conference, the “Seville Commitment,” adopted as the first agenda item, puts forward targeted actions to close the financing gap and increase fiscal space for sustainable development, reduce the cost of attracting investment, and accelerate the reform of the international financial architecture. Key deliverables include: tripling the lending capacity of multilateral development banks; initiating an intergovernmental process on global debt architecture and debt sustainability within the United Nations; enhancing the voice and representation of developing countries in the International Monetary Fund and the World Bank; strengthening international cooperation and regulatory frameworks on tax matters; and establishing an infrastructure investment financing facility for landlocked developing countries.

During the General Debate held on 2 July, H.E. Mr. Ankhbayar Nyamdorj, Permanent Representative of Mongolia to the United Nations as a head of the Government delegation, delivered a statement. He acknowledged that rising geopolitical tensions and an uncertain global trade and investment climate increasingly challenge collective efforts to close the annual SDG financing gap of over USD 4 trillion. Through the effective implementation of  the Seville commitment, he further emphasized the importance of strengthening the representation of developing countries in international banks and financial institutions, and of reprioritizing investments on infrastructure, education, health, and climate change.

The Mongolian delegation also participated in meetings on financing for development in the next decade for landlocked developing countries, reforming the international financial architecture, and addressing systemic issues.

МОНГОЛ УЛСААС НҮБ-ЫН ДЭРГЭД СУУГАА

БАЙНГЫН ТӨЛӨӨЛӨГЧИЙН ГАЗАР

2025 оны 7 дугаар сарын 2-ны өдөр