United Nations Welcome to the United Nations. It's your world.

News

НЬЮ-ЙОРК ХОТОД ЕРӨНХИЙЛӨГЧИЙН СОНГУУЛИЙН САНАЛ АВАХ АЖИЛЛАГАА ЭХЛЭВ

Saturday, 10 June 2017

Монгол Улсын Ерөнхийлөгчийн 2017 оны ээлжит сонгуулийн санал авах ажиллагааг АНУ-ын Нью-Йорк хот дахь салбар комиссын санал авах байранд 2017 оны 6 дугаар сарын 10-ны өдөр орон нутгийн цагаар 07 цаг 00 минутад эхлэв.

Салбар комиссын ахлах зохион байгуулагч, Элчин сайд, Байнгын төлөөлөгч С.Сүхболд үйл ажиллагааг нээж, төрийн дуугаа эгшиглүүлэв. Тэрбээр сонгогчдын нэрсийн жагсаалтыг танилцуулж, битүүмжтэй байгаа саналын хуудсын лацыг бүрэн бүтэн байгааг харуулж задлан саналын хайрцагийг лацдан санал авах ажиллагааг эхлүүлэв.

ГАДААД ХАРИЛЦААНЫ САЙД Ц.МӨНХ-ОРГИЛ АМЕРИКИЙН НЭГДСЭН УЛСАД АЙЛЧИЛНА

Friday, 09 June 2017

Гадаад харилцааны сайд Ц.Мөнх-Оргил 2017 оны 6 дугаар сарын 12-14-ний өдрүүдэд Америкийн Нэгдсэн Улсад албан ёсны айлчлал хийнэ.

Айлчлалаар АНУ-тай өндөр түвшний яриа хэлцээг тогтмолжуулах, улс төр, худалдаа, эдийн засаг, хөрөнгө оруулалтын хамтын ажиллагааг өргөжүүлэхэд бодит алхмууд хийх болон бусад салбарын харилцаа, хамтын ажиллагааг хөгжүүлэх, хэлхээ холбоог гүнзгийрүүлэх асуудлаар санал солилцож ярилцана.

ДАЛАЙ, ТЭНГИСИЙН НӨӨЦИЙГ ХАМГААЛАХ, АШИГЛАХЫН АЧ ХОЛБОГДОЛЫГ ОНЦЛОВ

Friday, 09 June 2017

Монгол Улсаас НҮБ-ын дэргэд суугаа Элчин сайд, Байнгын төлөөлөгч С.Сүхболд 2017 оны 6 дугаар сарын 9-нд “Далай тэнгисийн нөөцийг хамгаалах, нөөцийг тогтвортой хөгжилд зүй зохистой ашиглах” тухай Тогтвортой хөгжлийн 14 дэх зорилтыг хэрэгжүүлэхэд дэмжлэг үзүүлэх бага хурлын бүгд хуралдаанд оролцож, үг хэлэв.

АСТАНАД БОЛОХ ШХАБ-ЫН ДЭЭД ТҮВШНИЙ УУЛЗАЛТАД ЕРӨНХИЙЛӨГЧ Ц.ЭЛБЭГДОРЖ ОРОЛЦОНО

Thursday, 08 June 2017

Монгол Улсын Ерөнхийлөгч Ц.Элбэгдорж 2017 оны 6 дугаар сарын 8-9-ний өдрүүдэд Бүгд Найрамдах Казахстан Улсын нийслэл Астана хотноо болох Шанхайн хамтын ажиллагааны байгууллагын гишүүн орнуудын Төрийн тэргүүн нарын зөвлөлийн ээлжит хуралдаанд оролцохоор өнөөдөр мордлоо.

МОНГОЛ УЛСЫН ЕРӨНХИЙЛӨГЧИЙН СОНГУУЛЬД ИДЭВХТЭЙ ОРОЛЦОНО УУ

Monday, 05 June 2017

МОНГОЛ УЛСЫН ЕРӨНХИЙЛӨГЧИЙН СОНГУУЛЬД ИДЭВХТЭЙ ОРОЛЦОНО УУ

Монгол Улсын Ерөнхийлөгчийн 2017 оны сонгуульд Дипломат төлөөлөгчийн газар байрладаг гадаад улсад байгаа сонгуулийн эрх бүхий иргэдийн саналыг 2017 оны 6 дугаар сарын 10-ны өдрийн Бямба, 11-ний өдрийн Ням гарагуудад 07:00-22:00 цагийн хооронд Монгол Улсаас НҮБ-ын дэргэд суугаа Байнгын төлөөлөгчийн газрын байр (хаяг: 6 East 77th Street, New York, NY 10075)-нд авна.

ГАДААД ХАРИЛЦААНЫ ДЭД САЙД Б.БАТЦЭЦЭГ ЮНЕСКО-ГИЙН УДИРДЛАГУУДТАЙ УУЛЗАВ

Friday, 02 June 2017

Гадаад харилцааны дэд сайд Б.Батцэцэг Парис хотноо ЮНЕСКО-гийн дэд захирал Гэтачев Энгида, Дэлхийн өвийн төвийн захирал Мештилд Росслер, ЮНЕСКО-гийн Ерөнхий захирлын Боловсролын асуудал хариуцсан орлогч Киан Тан нартай тус тус уулзав. Уулзалтад манай талаас УИХ-ын гишүүн Д.Гантулга, Элчин сайд, Монгол Улсаас ЮНЕСКО-гийн дэргэд суугаа Байнгын төлөөлөгч М.Батсайхан нар байлцав.

НҮБ-ЫН “ХҮҮХДИЙН ЭРХИЙН ТУХАЙ” КОНВЕНЦИЙН ХЭРЭГЖИЛТИЙН ТУХАЙ МОНГОЛ УЛСЫН 5 ДУГААР ТАЙЛАН ИЛТГЭЛИЙГ ХЭЛЭЛЦЭВ

Friday, 26 May 2017

Нэгдсэн Үндэстний Байгууллага /НҮБ/-ын “Хүүхдийн эрхийн тухай” конвенцийн хэрэгжилтийн тухай Монгол Улсын 5 дугаар тайлан илтгэлийг Швейцарийн Холбооны Улсын Женев хотноо болж буй Хүүхдийн эрхийн хорооны 75 дугаар чуулганы 2017 оны 5 дугаар сарын 26-ны өдрийн хуралдаанаар хэлэлцэв.

САЙД Ц.МӨНХ-ОРГИЛ ДАЛАЙД ГАРЦГҮЙ ХӨГЖИЖ БУЙ ОРНУУДЫН АСУУДЛААРХ ХЭЛЭЛЦҮҮЛЭГТ ОРОЛЦОВ

Thursday, 18 May 2017

Гадаад харилцааны сайд Ц.Мөнх-Оргил АНДЭЗНК-ын Гүйцэтгэх нарийн бичгийн дарга Ш.Ахтарын урилгаар “Ази, Номхон далайн бүсийн нэн буурай хөгжилтэй, далайд гарцгүй болон арлын жижиг хөгжиж буй орнуудын дэд бүтэц ба тогтвортой хөгжил” сэдэвт өндөр түвшний хэлэлцүүлэгт үндсэн илтгэгчээр оролцов.

АНДЭЗНК-ын 73 дугаар чуулганы хүрээнд болж буй өндөр түвшний энэ хэлэлцүүлгээр бүс нутгийн тусгай хэрэгцээ шаардлагатай улс орнуудын дэд бүтцийн салбарын ололт амжилт, бэрхшээл сорилт, дэд бүтцийг дэмжих боломж, санхүүжилтийг шийдвэрлэх арга зам зэрэг асуудлыг хэлэлцэв.

САЙД Ц.МӨНХ-ОРГИЛ АНДЭЗНК-ЫН ГҮЙЦЭТГЭХ НАРИЙН БИЧГИЙН ДАРГА Ш.АХТАРТАЙ УУЛЗАВ

Thursday, 18 May 2017

НҮБ-ын Ази, Номхон далайн эдийн засаг, нийгмийн комисс (АНДЭЗНК)-ын 73 дугаар чуулганд оролцож буй Гадаад харилцааны сайд Ц.Мөнх-Оргил тус комиссын Гүйцэтгэх нарийн бичгийн дарга Ш.Ахтартай 5 дугаар сарын 17-ны өдөр уулзаж хамтын ажиллагааны асуудлаар санал солилцов.

НҮБ-ЫН АЗИ, НОМХОН ДАЛАЙН ЭДИЙН ЗАСАГ, НИЙГМИЙН КОМИСС (АНДЭЗНК)-ЫН 73 ДУГААР ЧУУЛГАН БАНГКОК ХОТНОО БОЛЖ БАЙНА

Thursday, 18 May 2017

НҮБ-ын Ази, Номхон далайн эдийн засаг, нийгмийн комисс (АНДЭЗНК)-ын 73 дугаар чуулган Тайландын Вант Улсын Бангкок хотноо энэ оны 5 дугаар сарын 15-19-нд болж байна.

Энэ удаагийн чуулганд АНДЭЗНК-ын гишүүн 45 улс, НҮБ, түүний системийн болон олон улсын бусад байгууллагын төлөөлөл оролцож, “Тогтвортой эрчим хүчний төлөөх бүс нутгийн хамтын ажиллагаа” сэдвийн дор хүртээмжтэй, тогтвортой нийгэм, эдийн засгийн хөгжлийн хамтын ажиллагааны асуудлыг өргөн хүрээнд хэлэлцэн, холбогдох тогтоолын төслүүдийг батлах юм.