НҮБ-ын Ерөнхий Ассамблейн 73 дугаар чуулганы Ерөнхий санал шүүмжлэлийн үеэр 9 дүгээр сарын 26-нд болсон “Сүрьеэг устгахын төлөө нэгдэх нь: Дэлхийд тархсан халдварт өвчний эсрэг дэлхий нийтээр яаралтай авах хариу арга хэмжээ” өндөр түвшний анхдугаар уулзалтад Монгол Улсын Эрүүл мэндийн сайд Д.Сарангэрэл тэргүүтэй төлөөлөгчид оролцов.
НҮБ-ын Ерөнхий Ассамблейн 73 дугаар чуулганы Ерөнхий санал шүүмжлэлд оролцож буй Гадаад харилцааны сайд Д.Цогтбаатар ИБУИНВУ-ын Гадаад хэрэг, хамтын нөхөрлөлийн яамны Ази, Номхон далайн асуудал хариуцсан Төрийн сайд Марк Фийлдтэй 9 дүгээр сарын 25-ны өдөр НҮБ-ын төв байранд уулзаж, хоёр орны харилцаа, хамтын ажиллагааны асуудлаар санал солилцов.
Монгол Улсын Ерөнхий сайд У.Хүрэлсүх тэргүүтэй төлөөлөгчид 9 дүгээр сарын 25-нд Нью-Йорк хотноо эхэлсэн НҮБ-ын Ерөнхий Ассамблейн 73 дугаар чуулганы Ерөнхий санал шүүмжлэлийн нээлтийн хуралдаанд оролцож байна.
Монгол Улсын Гадаад харилцааны сайд Д.Цогтбаатар НҮБ-ын ЕА-н 73 дугаар чуулганы Ерөнхий санал шүүмжлэлд оролцох үеэр буюу 9 дүгээр сарын 24-нд Бүгд Найрамдах Энэтхэг Улсын Гадаад хэргийн сайд Сушма Свараж-тай уулзаж, хоёр улсын харилцаа, хамтын ажиллагааны талаар санал солилцов.
Монгол Улсын Гадаад харилцааны сайд Д.Цогтбаатар 9 дүгээр сарын 24-нд НҮБ-ын төв байранд Бүгд Найрамдах Эквадор Улсын Гадаад хэргийн сайд Хосе Валенсиа-тай хоёр талын уулзалт хийж, хоёр улсын харилцаа, хамтын ажиллагааны асуудлаар санал солилцов.
Монгол Улсын Гадаад харилцааны сайд Д.Цогтбаатар НҮБ-ын Ерөнхий Ассамблейн 73 дугаар чуулганд оролцох үеэр Европын Холбооны Худалдааны асуудал эрхэлсэн комиссар Сесилия Малмстром-той уулзаж, хамтын ажиллагааны асуудлаар санал солилцов.
Уулзалтын үеэр Европын Холбоо, Аргентин, Монгол Улсын хамтарсан санаачилга болох “Цаазаар авах болон эрүүдэн шүүхэд ашигладаг бүтээгдэхүүний худалдааг хориглох Дэлхий нийтийн холбоо санаачилга”-ын хүрээнд хамтын ажиллагаагаа өргөжүүлэн хөгжүүлэхээ талууд илэрхийлэв.
НҮБ-ын Ерөнхий Ассамблейн 73 дугаар чуулганы үеэр буюу 9 дүгээр сарын 24-нд НҮБ-ын төв байранд Европын Холбоо, Аргентин, Монгол Улс “Цаазаар авах болон эрүүдэн шүүхэд ашигладаг бүтээгдэхүүний худалдааг хориглох Дэлхий нийтийн холбоо” санаачилгын Сайд нарын анхдугаар уулзалтыг хамтран зохион байгууллаа.
НҮБ-ын Ерөнхий Ассамблейн 73 дугаар чуулганы Ерөнхий санал шүүмжлэл эхлэхийн өмнө буюу энэ 9 дүгээр сарын 24-нд АНУ-ын Ерөнхийлөгч Д.Трампын санаачилсан “Хар тамхины асуудалтай тэмцэх дэлхийн уриалга” (Global call to action on the World Drug Problem) сэдэвт өндөр түвшний арга хэмжээнд Монгол Улсын Ерөнхий сайд У.Хүрэлсүх оролцов. Арга хэмжээний үеэр Ерөнхий сайд У.Хүрэлсүх АНУ-ын Ерөнхийлөгч Д.Трамптай уулзаж, энэхүү уриалгад Монгол Улс нэгдэж буйгаа илэрхийлэв.
Гадаадад 6 сараас дээш хугацаагаар амьдарч байгаа иргэдийг цахимаар бүртгэж эхэллээ.
Бүртгэлд идэвхтэй хамрагдаж, эрхээ эдэлцгээе!
Энэ 9 дүгээр сарын 4-ний өдөр НҮБ-ын төв байранд “Завсрын ертөнц – Энэ мөчид” сэдэвт уран зураг, баримлын хосолсон үзэсгэлэнгийн нээлтийн арга хэмжээг зохион байгуулав.
Монгол Улсаас Нэгдсэн Үндэстний Байгууллагын дэргэд суугаа Элчин сайд, Байнгын төлөөлөгч С.Сүхболд арга хэмжээг нээж хэлсэн үгэндээ, энэхүү үзэсгэлэн нь Монголын уран бүтээлчдийн бүтээлч сэтгэлгээ, уран төсөөллийг нийтэд танилцуулахаас гадна хүн, нийгмийн харилцаа, тэдгээрийн уялдаа холбоог илтгэн харуулсныг онцлон тэмдэглээд, уран бүтээлч А.Очирболд, Ц.Ган-Эрдэнэ нарт ажлын амжилт хүсэв.
