Монгол улсын Ерөнхийлөгчийн 2017 оны ээлжит сонгуулийн дахин санал хураалт 2017 оны 7 дугаар сарын 4, 5-ны Мягмар, Лхагва гарагт 07:00 цагаас 22:00 цагийн хооронд Монгол Улсаас НҮБ-ын дэргэд суугаа Байнгын төлөөлөгчийн газрын байр (хаяг: 6 East 77th Street, New York, NY 10075)-нд болох тул сонгогчийн нэрсийн жагсаалтанд бүртгэгдсэн иргэд та бүхэн сонгох эрхээ эдэлж, Монгол Улсын төрийн тэргүүнийг сонгох сонгуульд идэвхтэй оролцоно уу.

Сонгуулийн бүртгэл 2017 оны 5 дугаар сарын 01-20-ны өдрүүдэд явагдаж дууссан тул нэмж бүртгүүлэх боломжгүй болно.

Монгол Улсын Ерөнхийлөгчийн 2017 оны ээлжит сонгуулийн санал авах ажиллагааг АНУ-ын Нью-Йорк хот дахь салбар комиссын санал авах байранд 2017 оны 6 дугаар сарын 10-ны өдөр орон нутгийн цагаар 07 цаг 00 минутад эхлэв.

Салбар комиссын ахлах зохион байгуулагч, Элчин сайд, Байнгын төлөөлөгч С.Сүхболд үйл ажиллагааг нээж, төрийн дуугаа эгшиглүүлэв. Тэрбээр сонгогчдын нэрсийн жагсаалтыг танилцуулж, битүүмжтэй байгаа саналын хуудсын лацыг бүрэн бүтэн байгааг харуулж задлан саналын хайрцагийг лацдан санал авах ажиллагааг эхлүүлэв.

Монгол Улсаас НҮБ-ын дэргэд суугаа Элчин сайд, Байнгын төлөөлөгч С.Сүхболд 2017 оны 6 дугаар сарын 9-нд “Далай тэнгисийн нөөцийг хамгаалах, нөөцийг тогтвортой хөгжилд зүй зохистой ашиглах” тухай Тогтвортой хөгжлийн 14 дэх зорилтыг хэрэгжүүлэхэд дэмжлэг үзүүлэх бага хурлын бүгд хуралдаанд оролцож, үг хэлэв.

МОНГОЛ УЛСЫН ЕРӨНХИЙЛӨГЧИЙН СОНГУУЛЬД ИДЭВХТЭЙ ОРОЛЦОНО УУ

Монгол Улсын Ерөнхийлөгчийн 2017 оны сонгуульд Дипломат төлөөлөгчийн газар байрладаг гадаад улсад байгаа сонгуулийн эрх бүхий иргэдийн саналыг 2017 оны 6 дугаар сарын 10-ны өдрийн Бямба, 11-ний өдрийн Ням гарагуудад 07:00-22:00 цагийн хооронд Монгол Улсаас НҮБ-ын дэргэд суугаа Байнгын төлөөлөгчийн газрын байр (хаяг: 6 East 77th Street, New York, NY 10075)-нд авна.