Монгол Улсад аялахаар төлөвлөж байгаа гадаадын жуулчдад Монгол Улсын талаарх мэдээ, мэдээллийг хайж олоход дөхөмтэй болгох үүднээс Монгол Улсын талаар /монгол, англи, орос, хятад, япон, солонгос, испани/ хэлээр тус тус танилцуулсан www.mongoliatravel.guide цахим хуудас, VisitMongolia аппликейшныг туршилтын журмаар ашиглаж эхлээд байна.

Түүнчлэн цахим платформ хөгжүүлж, Монгол Улсад зохион байгуулагдаж байгаа соёл, урлагийн тоглолт, бусад үйл ажиллагааны тасалбарыг шууд худалдан авах боломжийг бүрдүүлснээс гадна Монгол Улсын түүх, хаадын тухай мэдээлэл, дурсгалт газрууд, хотууд, аялал жуулчлалын бүс нутаг, амралтын газруудын мэдээллийг хүссэн хэл дээрээ хүлээн авах боломжийг бүрдүүлсэн байгаа.

Монгол Улсаас НҮБ-ын дэргэд суугаа Байнгын төлөөлөгчийн газар