Монгол Улсын Тэргүүн Шадар сайд бөгөөд Эдийн засаг, хөгжлийн сайд Н.Учрал Туркменистан Улсын Аваза хотноо Далайд гарцгүй хөгжиж буй орнууд (ДГХБО)-ын асуудлаарх НҮБ-ын Гуравдугаар бага хурлын “Бүтцийн өөрчлөлт, эдийн засгийн төрөлжилт болон шинжлэх ухаан, технологи, инновац нь ДГХБО-ын хөгжил цэцэглэлтийн хөдөлгөгч хүч болох нь” сэдвийн дор болсон өндөр түвшний дугуй ширээний уулзалтад үндсэн илтгэгчээр оролцов. 

ДГХБО-д дахь бүтцийн өөрчлөлтийг хурдасгаж, эдийн засгийг солонгоруулах, шинжлэх ухаан, технологи, инновацын хөгжлийг хөхиүлэн дэмжих нь ДГХБО-ын асуудлаарх 2024-2034 оны Авазагийн Үйл ажиллагааны хөтөлбөрийн тэргүүлэх чиглэлийн нэг юм.

Тэрээр хэлсэн үгэндээ ДГХБО-ын бүтцийн шинж чанартай хүндрэл, бэрхшээлүүдийг шийдвэрлэх чиглэлээр Авазагийн Үйл ажиллагааны хөтөлбөрт дэвшүүлээд буй хөдөө аж ахуй, олон улсын худалдаа болон транзит тээвэр, дэд бүтцийн хөрөнгө оруулалтыг нэмэгдүүлэх тухай санал, санаачилгуудыг хэрэгжүүлэхэд олон улсын хамтын нийгэмлэг болон банк, санхүүгийн байгууллага, түнш орнууд харилцан уялдаа холбоотой, цогц арга хэмжээ авч хэрэгжүүлэх чухал цаг үе ирээд байгаа талаар онцлон тэмдэглэв. 

Түүнчлэн, Монгол Улсаас бүтцийн өөрчлөлтийг дэмжих, эдийн засгийг төрөлжүүлэх чиглэлээр хэрэгжүүлж буй “Цахим монгол” үндэсний хөтөлбөр, “Хүнсний хангамж болон аюулгүй байдал” үндэсний хөдөлгөөн, “Шинэ хоршоо хөдөлгөөн” зэрэг санаачилгууд болон тэдгээрээс дотооддоо бий болж буй эерэг үр нөлөөний талаар бага хуралд оролцогсдод танилцууллаа.

----- TRANSLATION ---

 

H.E. Mr. Uchral Nyam-Osor, First Deputy Prime Minister and Minister of Economy and Development, participated as a keynote speaker in the High-Level Roundtable held under the theme “Structural Transformation, Economic Diversification, and Science, Technology, and Innovation as Drivers of Prosperity in LLDCs”, organized within the framework of the Third United Nations Conference on Landlocked Developing Countries (LLDCs) in Awaza, Turkmenistan. 

Accelerating structural transformation, promoting economic diversification, and advancing science, technology, and innovation are among the key priorities of the Awaza Programme of Action for LLDCs for the period 2024–2034. 

In his address, Mr. Uchral Nyam-Osor emphasized the importance of coherent and comprehensive action by the international community, financial institutions, and partner countries in implementing the proposed initiatives and recommendations of the Awaza Programme of Action. These include advancing agriculture, enhancing international trade and transit transport, and increasing infrastructure investment to address the structural challenges faced by LLDCs. 

He also introduced Mongolia’s national initiatives aimed at supporting structural transformation and economic diversification, including the “Digital Nation” program, the “Food Supply and Security” national movement, and the “New Cooperative Movement”. He highlighted the positive impacts these initiatives have had domestically and shared Mongolia’s experience.

МОНГОЛ УЛСААС НҮБ-ЫН ДЭРГЭД СУУГАА БАЙНГЫН ТӨЛӨӨЛӨГЧИЙН ГАЗАР

2025 оны 8 дугаар сарын 6-ны өдөр